Lənkəran Rayon Məhkəməsi Müsavat Partiyası liderinin müşaviri Yadigar Sadıqovun həbs müddətini bir ay –oktyabrın 23-dək uzadıb. Vəklil Nemət Kərimli Turan-a bildirib ki, məhkəmə onun iştirakı olmadan keçirilib ki, bu da Y.Sadıqovun hüquqlarının pozulmasıdır. O, məhkəmənin qərarını əsassız adlandırıb. Xatırladaq ki, Y.Sadıqov iyunun 27-də Lənkəran şəhər sakini Rəşid Kərimovun şikayəti əsasında həbs edilib. Müxalifətçi irəli sürülən ittihamı uydurma hesab edir və siyasi fəaliyyətinə görə həbs olunduğunu bildirir.