İqtisadi İnkişaf Nazirliyinə məxsus müəssisədə baş verən partlayışda bir işçi həyatını itirib. DİN saytına istinadən, avqustun 7-də Lənkəran şəhəri ərazisində İİN balansında olan Təkrar Xammal Tədarükü Müəssisəsində təmizlik işləri aparıldıqdan sonra toplanmış tullantılar yandırılarkən ani partlayış baş verib.

Nəticədə təmizlik işlərinin aparılmasına cəlb olunan İstisu qəsəbə sakini İlham Quliyev xəsarət alaraq xəstəxanaya yerləşdirilib və orada keçinib.