Moskva polisinin keçirdiyi əməliyyat nəticəsində kriminal qrupların iki gizli toplantısında iştirak edən 90-a yaxın şəxs yaxalanıb. APA-nın “RİA Novosti”yə istinadən verdiyi məlumata görə, 50-dən çox azərbaycanlının qatıldığı və Preobrajensk küçəsində keçirilən toplantıların birində kriminal avtoritetin “tacqoyma mərasimi” keçirilməliymiş. Onlar saxlanılarkən silahlarını atmaq istəyiblər.

Moskva şəhərinin şimal-qərbində, Volokolamsk şosesindəki hamamda keçirilən digər əməliyyatda isə Rusiya və Cənubi Qafqaz ölkələrindən olan 40-a yaxın kriminal ünsür yaxalanıb. Onların birinin üzərində tapança, digər bir neçə nəfərin üzərində isə travmatik silah tapılıb.