Bu gün Demokratik Qüvvələrin Milli Şurası “Məhsul” stadionunda Bakı şəhər icra hakimiyyəti ilə razılaşdırılmış mitinq keçirib.

APA-nın məlumatına görə, mitinqdə Milli Şurada təmsil olunan partiyaların gənclər təşkilatlarının rəhbərləri, “NİDA” hərəkatının üzvləri çıxış ediblər. Mitinqin sonunda Milli Şuranın prezidentliyə sabiq namizədi Cəmil Həsənli çıxış edib. Aksiyanın sonunda mitinqin qətnaməsi oxunub.

Qeyd edək ki, bu, Milli Şuranın prezident seçkilərindən sonra keçirdiyi sayca ikinci mitinqdir. MŞ seçkilərdən sonra ikinci mitinqi oktyabrın 20-nə təyin etsə də, aksiya ilə bağlı müraciət Bakı şəhər icra hakimiyyətinə vaxtında təqdim olunmadığına görə, paytaxt rəhbərliyi aksiyaya icazə verməyib.