Mayın sonuna olan vəziyyətə görə, Azərbaycan Mərkəzi Bankının (AMB) sərəncamında olan valyuta ehtiyatlarının ümumi həcmi 12 572,3 milyon dollar təşkil edib. Bu barədə AMB-nin rəsmi saytı xəbər verir. Bu ilin əvvəlindən AMB-nin valyuta ehtiyatları 7,5 faiz və ya 877,5 milyon dollar (ilin əvvəlinə AMB-nin valyuta ehtiyatları 11 694,8 milyon dollar təşkil edib) artıb. İllik hesablamada AMB-nin valyuta ehtiyatlarının həcmi 15,42 faiz və ya 1680,4 milyon dollar artıb.