TN 65 yaşlı müəllimlərin işdən azad olunması və ya işdə saxlanılması ilə bağlı yeniliklərin olub-olmayacağı barədə suallara aydınlıq gətirib. TN-dən APA-nın sorğusuna verilən cavabda bildirilib ki, 65 yaşına çatmış müəllimlərin çalışma müddətinin uzadılması və ya işdən azad edilməsi ilə əlaqədar yeni qaydalar nəzərdə tutulmur. Qeyd olunub ki, bu məsələlər Təhsil Nazirliyinin 15.07.2011-ci il tarixli əmri ilə tənzimlənir: “Təhsil Nazirliyi tərəfindən təhsili idarəetmə orqanlarına tövsiyə edilib ki, müəyyənləşdirilmiş meyarlar nəzərə alınmaqla, o cümlədən məktəbdə ixtisaslı kadr olmadıqda və ya kadrı əvəz etmək mümkün olmadığı hallarda 65 yaşına çatmış müəllimlərin müqavilə müddəti uzadılsın”.