İran İslam İnqilabı Keşikçiləri Korpusunun (SEPAH) “Bəsic” (yarımhərbi könüllülər dəstəsi) qolu ilə PKK terror təşkilatının İran qolu olan PEJAK üzvləri arasında toqquşma baş verib. Hadisə iyunun 19-da baş versə də, xəbər yenicə yayılıb.

Hadisə Qərbi Azərbaycan vilayətinin Maku şəhəri yaxınlığında Buralan bölgəsində, Əli Hacilu kəndinin yaxınlığında olub. Toqquşmada Xoy şəhərindən olan azərbaycanlı “bəsici” Məhəmməd İbrahimi həlak olub, 6 “bəsici” isə yaralanıb. Eyni zamanda toqquşma zamanı PEJAK-ın 4 üzvü ölüb, 4-ü yaralanıb. Azərbaycanlı “bəsici” iyunun 20-də Xoy şəhərində dəfn edilib.