Bu gün Bakı Slavyan Universitetində görkəmli hərbi-siyasi xadim, general Kazım Qarabəkir Paşanın 130 illiyinə həsr olunmuş dəyirmi masa keçirilib. Anım mərasimində universitetin professor-müəllim kollektivi, tələbələri və Kazım Qarabəkir Paşanın qızı Timsal Yıldıran Qarabəkir, nəvəsi İclal Cankorel, TRT Bakı təmsilçisi Yüksəl Dəyərcan da iştirak edib.

BSU elmi işlər üzrə prorektoru Şirinbəy Əliyev açaraq İstiqlal Savaşının qəhrəmanlarından biri olmuş Kazım Qarabəkir Paşanın türk xalqı üçün etdiyi böyük xidmətlərdən danışıb. Timsal Yıldıran Qarabəkir müqəddəs Azərbaycan torpağının mərkəzi olan Bakıda Kazım Qarabəkir Paşanı yad etdiklərinə görə BSU rəhbərliyinə dərin təşəkkürünü bildirib.

Qeyd edək ki, Kazım Qarabəkir Paşa o qarışıq dönəmdə Naxçıvan Ölkəsinin mühafizəsində, Azərbaycana diplomatik dəstəkdə müstəsna rolu olmuşdur və Azərbaycan Türkləri ona minnətdardır. Bu gün Naxçıvan şəhərində bu şöhrətli komandanın şərəfinə came ucaldılmışdır.