Baş nazir İvanişvili Soçi olimpiadası barədə son dərəcə ehtiyatlı diplomatik ifadələrlə danışır. Deyir ki, əgər bilavasitə olimpiada ərəfəsində ölkə üçün təhqiredici hal duyulsa, Gürcüstan 2014-cü ildə Soçi Olimpiya Oyunlarında iştirakdan imtina edəcək.
Bidzina İvanişvili qeyd edir ki, Gürcüstan hakimiyyəti hadisələrin inkişafını diqqətlə izləyəcək: «Əgər Olimpiya Oyunlarının başlanması ərəfəsində turnirdə iştirakın bizim üçün təhqiredici olmasını hiss etsək, əlbəttə, iştirak etməyəcəyik».
Bununla yanaşı, Baş nazir bildirib ki, dövlət qeyri-iradi hərəkət etməməlidir:
«Mən cəmiyyət fərdlərinin əksəriyyətinin mövqeyinə anlayışla yanaşıram. Lakin dövlət qeyri-iradi, əsəbi hərəkət etməməli, əksinə, balanslaşdırılmış qərar qəbul etməlidir».