İrandan ölkəmizə heroin daşıyan daha iki cinayətkar məhkəmə qarşıısnda dayandı və paylarını aldılar. Lənkəran Ağır Cinayətlər Məhkəməsində İrandan Azərbaycana külli miqdarda narkotik vasitə gətirməkdə ittiham olunan Rövşən Mehrəliyev və Cavanşir Əliyevin məhkəməsi başa çatıb. İşə hakim Xamməd Nuriyevin sədrliyi ilə baxılıb. Rövşən Mehrəliyev 9 il 6 ay, Cavanşir Əliyev 9 il müddətinə azadlıqdan məhrum ediliblər.

Bu iki şəxs MTN əməkdaşlarının əməliyyat tədbirləri nəticəsində həbs ediliblər. Onlardan külli miqdarda heroin aşkar edilib.

Təqsirləndirilən şəxslər CM 206.3.2-ci (qabaqcadan əlbir olan bir qrup şəxs tərəfindən narkotik vasitələrin qaçaqmalçılığı), 234.4.1-ci və 234.4.3-cü (qabaqcadan əlbir olan bir qrup şəxs tərəfindən külli miqdarda narkotik vasitələri əldə etmə, daşıma, saxlama və ya satma) maddələri ilə ittiham ediliblər.