İranda inflyasiyanın səviyyəsi qorxulu həddə — 34%-ə çatıb. Bu barədə İran Mərkəzi Bankına istinadən xəbər yayılıb.Bankın hesablamalarına əsasən, təkcə bir ay ərzində ölkədə inflyasiyanın səviyyəsində 3.5%-lik artım müşahidə edilib. İran Statistika İdarəsi isə ölkədə qida məhsullarının qiymətinin 3.5% artdığını açıqlayıb.

İran parlamentinin Araşdırma Mərkəzi son 17 ildə İranda inflyasiya səviyyəsinin ən yüksək həddə çatdığını və bu göstəricilərə görə ölkənin Orta Şərqdə birinci, dünyada altıncı yerdə qərarlaşdığını bəyan edib.