Qorxulu bir riskə baş vuraraq ailəliklə sərhəddən güllə yağışı altına ölkəmizə pənah gətirmiş və hazırda paytaxt Bakıda yaşayan Gevorkyanlar ailəsinin əhvalı gözəldir. Beynəlxalq Qızıl Xaç Komitəsi Azərbaycan nümayəndəliyinin əməkdaşları bu 4 nəfərlik ailəyə baş çəkiblər.

BQXK Azərbaycan nümayəndəliyinin ictimaiyyətlə əlaqə şöbəsinin rəhbəri İlahə Hüseynovanın sözlərinə görə, başçəkmə proseduru aprelin 9-da olub. Saxlanılan şəxslərə ailə məlumatları ötürülüb və eyni qaydada, ailə məlumatları alınıb.

Azərbaycanda saxlanılan Ermənistan vətəndaşları — Yeğişe, Ruzanna, Alfred, Qayane və Petros Gevorkyanlar bir ailənin üzvləridir. Onlar 2010-cu ilin yanvarında Azərbaycan tərəfə keçiblər. Bu ailə üçüncü ölkəyə göndərilmək arzularını bildiriblər, lakin məsələ hələlik öz müsbət
həllini tapmayıb.