Mədəniyyət və Turizm Nazirliyinin dəstəyi, “Art Group”un təşkilatçılığı ilə gənc rəssam Leyla Mehdiyevanın fərdi sərgisi açılıb. “Yayın rəngləri” adlı sərgi onun ilk fərdi sərgisidir. Rəssamlar İttifaqının katibi, xalq rəssamı Ağəli İbrahimov, Mədəniyyət və Turizm Nazirliyinin Təsviri və dekorativ sənət sektorunun müdiri Qalib Qasımov, əməkdar rəssam Tahir Məmmədov çıxışlarında gənc rəssamın yaradıcılığı haqqında müsbət fikirlər səsləndiriblər. Rəssamın müəllimi İnna Kostina da tələbəsinin sənət nümunələri haqqında söz açıb, sərgi münasibətilə onu təbrik edib.

30-a yaxın əsərin nümayiş olunduğu sərgi oktyabrın 4-nə kimi davam edəcək.