Fransada “ənənəyə” bu il də riayət olundu. Dekabrın 31-dən yanvarın 1-nə keçən gecə 1193 avtomobil yandırıldı. Bu barədə Fransa daxili işlər naziri Manuel Vals bildirib. Açıqlanan rəqəmlərə görə, son 4 ildə vəziyyət eynilə qalır, Yeni il gecəsində qəsdən yandırılmış avtomobillərin sayında nəzərəçarpacaq dəyişiklik yoxdur. Məsələn, 2009-cu ildə 1147, 2010-cu ildə 1137 avtomobil yandırılmışdı. Bu dəfə də gənclərdən ibarət bandalar küçələrdə avtomobil yandırmaqda bir-birləri ilə “bəhsə girmişlər”.
Bu il 65 min polis və jandarm asayişin qorunmasına cəlb edilmiş olsa da, “ənənəni” pozmaq mümkün olmayıb.