Xəbər verdiyimiz kimi, yanvarın 29-dan fevralın 6-dək Birləşmiş Ərəb Əmirliklərinin Dubay şəhərində Azərbaycan milli komandasının təlim-məşq toplanışı təşkil olunacaq. Yığmamızın almaniyalı baş məşqçisi Berti Foqts Dubay toplanışında iştirak etməli olan heyəti açıqlayıb. O, 22 futbolçuya dəvət göndərib ki, bunlardan çoxu gənclərdir. Hazırlıq prosesi çərçivəsində millimiz fevralın 1-də Özbəkistan yığması ilə yoxlama oyunu, fevralın 6-da isə Lixtenşteyn millisi ilə beynəlxalq yoldaşlıq görüşü keçirəcək. Foqts həmin görüşlərdə məhz gəncləri sınamağı qərara alıb. Bunlardan Emil Balayev, İlkin Qırtımov, Eşqin Quliyev, Rüfət Dadaşov, Pərdis Fərcad-Azad debütantdır və millidə ilk dəfə oynamaq şansı qazanacaqlar. Foqts əsas heyət oyunçularından Kamran Ağayev, kapitan Rəşad Sadıqov, Mahir Şükürov, Aleksandr Çertoqanov, Branimir Subaşiçə yalnız ehtiyat heyətdə yer verib. Onlara ehtiyac olarsa, millinin sıralarında yer alacaqlar.
Millinin Dubay toplanışı üçün çağırılan futbolçular bunlardır:
Qapıçılar: Anar Nəzirov («Qəbələ»), Səlahət Ağayev («Sumqayıt»), Emil Balayev («Neftçi»);
Müdafiəçilər: Vladimir Levin («İnter»), Vurğun Hüseynov («Qəbələ»), Bədavi Huseynov, Maksim Medvedev, Qara Qarayev (hamısı «Qarabağ»), Rasim Ramaldanov, İlkin Qırtımov (hər ikisi «Simurq»), Ruslan Abışov («Xəzər Lənkəran»), Elhad Nəziri («Milsami» Moldova);
Yarımmüdafiəçilər: Rəşad Sadiqov, Eşqin Quliyev (hər ikisi «Neftçi»), Rahid Əmirquliyev («Xəzər Lənkəran»), Cavid Hüseynov («Adana Demirspor» Türkiyə), Elvin Məmmədov («Bakı»);
Hücumçular: Vüqar Nadirov, Vaqif Cavadov, Rauf Əliyev («Qarabağ»), Rüfət Dadaşov («Kayzerslautern II» Almaniya), Pərdis Fərcad-Azad («Sumqayıt»). Ehtiyat oyunçular:
Qapıçılar — Kamran Ağayev («Xəzər Lənkəran»), Aqil Məmmədov («Bakı»); Müdafiəçilər — Rəşad Sadıqov («Qarabağ»), Ufuk Budak («Əskişəhirspor» Türkiyə), Mahir Şükürov («Neftçi»);
Yarımmüdafiəçilər — Aleksandr Çertoqanov, Rövşən Əmiraslanov (hər ikisi «Qəbələ»), Taqim Novruzov (AZAL), Əfran İsmayılov («Qarabağ»), Cavid İmamverdiyev («Neftçi»);
Hücumçular — Branimir Subaşiç («Xəzər Lənkəran»), Cihan Özkara («Sivasspor» Türkiyə).