FİFA milli komandaların növbəti reytinq cədvəlini açıqlayıb və bəlli olub ki,Ermənistan yığması millimizi 49 pillə (!) qabaqlayır. Azərbaycan yığması ötən ayla müqayisədə 2 pillə irəliləyərək 115-ci yerə yüksəlib.

Türkiyənin “ay-ulduzlu” yığması ötən ayla müqayisədə daha 1 pillə geriləyərək 58-ci yerə düşüb. «Acından ölən» kasıb Ermənistanın yığma komandası millimizi 49 pillə qabaqlayaraq 66-cı yerdə qərar tutur. Yəni bizdən yə az, nə çox 49 pillə öndə…

Millimizin DÇ-2014-ün seçmə mərhələsindəki rəqiblərindən Portuqaliya 7-ci (0), Rusiya 16-cı (+1), İsrail 63-cü (+1), Şimali İrlandiya 109-cu (+2), Lüksemburq 140-cı (+1) yerdə qərarlaşıb.

Sıralamanın ilk onluğunda dəyişiklik yoxdur. İspaniya yenə liderdir. İlk üçlükdə müvafiq surətdə Almaniya və Kolumbiya da mövqeyni qoruyub.

Ermənistanla müqayisədə bu fantastik fakt ortada ikən Azərbaycan futbolunun «inkişafından dəm vuranların diqqətinə çatdırırıq ki, hay-küyün dozasını, barıtın miqdarını bir qədər azaltsınlar, deyə virtualaz.org saytı acı kinayə ilə qeyd edir. Axı, Maksim Qorki demiş, «faktlar yaman tərs şeydir»