«İnter» futbol klubunun rəhbərliyi martın 30-da «İnter»-«Neftçi» matçından sonra qarşılaşmanın baş hakimi Anar Salmanova məxsus avtomobilə zərər vurulması ilə bağlı bəyanat verərək bu davranışı pisləyib.

Klubun saytına istinadən, qeyd olunub ki, Salmanova məxsus avtomobilə zərər vurulması barədə kütləvi informasiya vasitələrində yayılan xəbərlərlə tanış olublar və «İnter» PİK-in rəhbərliyi belə bir hərəkətə yol verilməsini qınayır və təqsiri olan şəxs və ya şəxslərin tezliklə məsuliyyətə cəlb olunacağına ümid edir.

Ötən tur «Şəfa» stadionunda «İnter»-«Neftçi» oyunundan sonra fanatlar hayıflarını görüşün baş hakimi Anar Salmanovun avtomobilindən çıxıblar. FİFA referisinə məxsus «Volkswagen Passat» qəsdən cızıq-cızıq edilib. Oyunda «Neftçi» «İnter»ə 1:0 hesabı ilə qalib gəlmişdi.