Həbsxanaya inək piyinin içərisində qadağan olunmuş xeyli əşya çıxıb.
Bu əşyalar Penitensiar xidmətin və Qobustan həbsxanasının əməliyyat aparatlarının «gözündən yayınmayıb».Penitensiar xidmətinin İctimaiyyətlə əlaqələr şöbəsindən bildilir ki, martın 26-da Qobustan həbsxanasında cəza çəkən, bir neçə maddə ilə təqsirli bilinərək 6 il 6 ay müddətinə azadlıqdan məhrum edilmiş məhkum Murad Hamlet oğlu Məmmədovun (1990) yanına qısamüddətli görüşə gəlmiş xalası oğlu vətəndaş Elvin Tahirovun gətirdiyi sovqata baxış zamanı kustar üsulla düzəldilmiş 4 litrlik dəmir qabda əridilmiş inək piyinin içərisində yerləşdirilərək gizlədilmiş 2 ədəd «Nokia», 1 ədəd «Alkatel», 1 ədəd «Fly» markalı mobil telefon aparatı, 1 ədəd «Nar» kart və 2 ədəd mobil telefon aparatları üçün nəzərdə tutulmuş elektrik qidalandırıcı başlıqları aşkar edilərək götürülüb. Fakt üzrə araşdırma aparıldığı bildirilir.