Bolqarıstanın Varna şəhərində  Discovery Pop Festivalı 22-ci dəfə gerçəkləşib və bu festivalda Azərbaycanı 17 yaşlı  Ena Kameliya təmsil edib. Eurovision seçim turundan  tamaşaçı  kütləsinin yadında qalan gənc qız avropalıları öz səsi və gözəlliyi ilə ovsunlayıb. Müsabiqədə sözləri və musiqisi özünə aid olan «Reasen to smile»mahnısını ifa edib xüsusi diplom qazanan Ena Kameliyanın Avropada artıq PR işlərini təşkilatçı qrup aparacaq. Güclü səsi ilə bərabər avropasayagı adı və görünüşü də festival iştirakçılarının diqqətini cəkib. 

Bununla bağlı AYNAya açıqlamasında  prodüseri Pərviz Məmmədov bunları söyləyib: » Ena əsl azərbaycanlı qızıdır. Onun atası cənub azərbaycanlısı olsa da, Ena Bakıda doğulub və Bakıda orta təhsilini  bitirib. Və o bundan sonra da beynəlxalq musiqi layihələrində Azərbaycanı təmsil edəcək».

Xatırladaq ki, Bolqarıstanda gerçəkləşən Discovery Pop Festivalının səhnəsində vaxtılə Filip Kirkorov, İngrid, SunStroke project kimi məhşurlar yarışıb.