Fəaliyyəti dayandırılmış Azərbaycan Beynəlxalq Universitetinin rektoru Elşad Abdullayevin yayımladığı videolarda adı hallanan şəxs tutulub. Bakı Şəhər Baş Polis İdarəsindən yayılan məlumata görə, Binəqədi Polis İdarəsinin Cinayət Axtarış Şöbəsinin əməkdaşlarının əməliyyat-axtarış tədbirləri nəticəsində CM 178-ci (dələduzluq) maddəsi ilə axtarışda olan Mirsahib Məcidov tutulub.

Hüquq-mühafizə orqanlarından APA-ya verilən məlumata görə, Məcidov fəaliyyəti dayandırılan Azərbaycan Beynəlxalq Universitetinə bir nəfəri işə düzəltmək adı ilə pul alıb və həmin şəxsin şikayəti əsasında axtarışa verilib.