Azərbaycanın Türkiyə səfirliyində balaban ifaçısı Əlixan Səmədovun diskinin təqdimatı keçirilib. Tədbirdə tanınımış sənət adamlarından aktrisa Məlahət Abbasova, İradə İbrahimova, İstanbulda yaşayan və çalışan rəssamlar, səfirliyin əməkdaşları və Türkiyə-Azərbaycan dərnəyinin təmsilçiləri iştirak ediblər. Təqdimatda Əlixan Səmədov iştirakçılar üçün diskə daxil olan musiqi parçalarından bəzilərini canlı ifa edib. Onu Türkiyədə təhsil alan tələbələri müşayiət ediblər. Sənətçi disklərindən iştirakçılara hədiyyə edib.