XVI-XVII əsrlərdə yaşamış azərbaycanlı şair, ədəbiyyatşünas və rəssam Sadiq bəy Sadiqinin yaradıcılığından ibarət kitab nəşr olunub. MEA Məhəmməd Füzuli adına Əlyazmalar İnstitutunun direktor əvəzi, filologiya elmləri doktoru Paşa Kərimovun «Sadiq bəy Sadiqinin türkdilli yaradıcılığı» adlı kitabında Sadiq bəy Sadiqinin türkcə yaradıcılığı ilk dəfə bütöv şəkildə tədqiq edilir. «Elm və təhsil» nəşriyyatında çapdan çıxan kitabda müəllif müxtəlif qaynaqları, şairin əsərlərini təhlil edərək, onun poeziyasının özünəxas özəllikləri, ədəbiyyat tariximizdəki yeri haqda ətraflı bilgi verib.