Ermənistan işbazları işğal altında olan Dağlıq Qarabağın təbii ehtiyatlarını addım-addım talamaqda davam edirlər. NEWS.am saytına istinadən, qondarma DQR prezidentinin müşaviri Qriqori Qabrielyants bildirib ki, “Dağlıq Qarabağ hökumətinin əsas proqramlarından biri qeyri-metal xassəli təbii ehtiyatların axtarışıdır”. Ermənilər işğal dövründə Dağlıq Qarabağda mərmər, tuf daşı, inşaat daşı yataqlarını mənimsəməyə başlayıblar. Qriqori Qabrielyants Dağlıq Qarabağda ağ mərmər yataqlarındakı ehtiyatların milyonlarla kubmetr olduğunu deyib.