Cohar Tsarnayev FTB-yə Bostondakı partlayışları qardaşı
Tamerlanla birlikdə törətdiklərini etiraf edib. İTAR-TASS-a istinadən, bu barədə Boston Qlob qəzeti hüquq-mühafizə orqanlarındakı mənbəyə istinadən xəbər dərc edib.

19 yaşlı Tsarnayev bu etirafı ona rəsmi ittiham təqdim edilməzdən əvvəl edib. O, qardaşı ilə birlikdə aprelin 19-da polis əməkdaşını qətlə yetirdiklərini də bildirib. Tamerlan isə o gün polislə atışma zamanı öldürülüb.

Hazırda saxlanma zamanı ağır yaralanmış Cohar Tsarnayev Boston xəstəxanalarının birində müalicə alır. O səs telləri zədələndiyindən danışa bilmir və FTB-nin suallarına yazılı şəkildə cavab verir.