Prezidentliyə Milli Şura tərəfindən namizəd göstərilmiş Cəmil Həsənlinin və onun komandası Bakıda «Məhsul» stadionunda kütləvi etiraz mitinqi keçirib. Yerli jurnalistlər, o cümlədən də mitinq meydanından yayın yapan BBC bildirirlər ki, aksiyada iştirak edənlər bundan əvvəlkilərdən xeyli çox olub. BBC bildirib ki, ilk dəfədir ki, Azərbaycan xalqı meydanı doldurub. Aksiya insidentsiz başa çatıb.

Milli Şura 9 oktyabr seçkilərinin saxtalaşdırıldığını bildirir. Natiqlər kəskin ifadələrlə çıxış ediblər. Mitinq qətnamə oxunuşu ilə başa çatıb. Qətnamənin oxunuşu şüarlarla müşayiət olunub. Daha sonra Üzeyir Hacıbəyovun «Koroğlu» üvertürası səsləndirilib.