Bulla-Dəniz yatağındakı quyudakı qəzanın qarşısının alınması son mərhələsinə daxil olub. ARDNŞ prezidenti Rövnəq Abdullayev bildirib ki, quyunun üzərinə qoyulacaq 40 tonluq kranların gətirilməsinin son işləri icra olunur. Qəzanın aradan qaldırılması işlərini ARDNŞ və Amerika şirkəti aprır. Abdullayev deyib ki, qaz quyusunda boru xətlərinin, lülələrin yığılması işləri yekunlaşdırılıb.
Bulla-Dəniz yatağındakı qaz quyusunda avqustun 17-də qəza baş verib və yanğın başlayıb. Yanğın hələ də davam edir. Qaz yatağı Bakıdan 80 kilometr cənubda açıq dənizdə yerləşir.
Bulla-Dəniz yatağındakı 90 saylı quyuda qəzanın aradan qaldırılmasında ARDNŞ-nin və “BOOTS & COOTS” şirkətinin mütəxəssisləri işləyir (Turan).