Bostonda terror aktı törətməkdə şübhəli bilinən çeçen əsilli Cövhər Sarnayev yaxalanıb.
Boston polisinin məlumatına görə o, Uotertaunda katerdə gizlənirmiş.

NBC telekanalının məlumatına əsasən, terrorçu sağdır, lakin ağır yaralıdır.
Onun saxlanılması barədə məlumat yayılandan sonra hadisə yerindəki kütlə əl çalmağa başlayıb. CNN telekanalının məlumatına görə, Cövhər Sarnayev ağır vəziyyətdə xəstəxanadadır.

Xatırladaq ki, Boston polisi bu terror aktını törətməkdə çeçen əsilli Sarnayev qardaşlarından şübhələnir. Qardaşlardan böyüyü 26 yaşlı Tamerlan Sarnayev bir gün əvvəl polislə atışmada qətlə yetirilib. 19 yaşlı Cövhər Sarnayev isə axtarışda idi.
Çeçenistanda onların qohumları bu hadisəyə görə onlara lənət oxuyublar.