Balakən rayonu ərazisində iyulun 3-də Bəxtiyar Qurbanovu qətlə yetirmiş və onun qardaşı Şahini yaralamış şəxs tutulub. DİN xəbər verir ki, rayonun Tülü kəndi ərazisində naməlum şəxs ov tüfəngindən atəş açaraq kənd sakinləri Bəxtiyar Qurbanovu qətlə yetirib, onun qardaşı Şahini isə yaralayıb.
Balakən polislərinin əməliyyat-axtarış tədbirləri nəticəsində hadisəni törətmiş İtitala kənd sakini Qasım Mahmayev tutularaq saxlanılıb. Saxlanılan zaman onun üzərindən 1 ədəd ov tüfəngi götürülüb. Faktla bağlı cinayət işi açılıb, istintaq davam edir.