Belə görünür bu əməl kriminal elementlər tərəfindən mənimsənilib və hələ çox həbslər olacaq. Son olaraq Bakıda saxta əskinas satan yeni bir dəstənin zərərsizləşdirildiyi xəbəri yayıldı. DİN mətbuat xidməti bildirir ki, Baş Mütəşəkkil Cinayətkarlıqla Mübarizə İdarəsinin əməliyyat-axtarış tədbirləri nəticəsində Nərimanov rayonu ərazisində, Müşfiqabad qəsəbə sakinləri İlham Hüseynov, Elnur Rəsulov, Rüstəm Cəfərov 25 ədəd 100, 17 ədəd 50, 21 ədəd 20, 8 ədəd 10 və 10 ədəd 5 manatlıq saxta əskinazları (3900) 1150 manata satarkən tutulublar.

Hüseynovun üzərinə baxış zamanı əlavə 2 ədəd 100, 3 ədəd 50, 6 ədəd 20 və 3 ədəd 10 manatlıq, habelə «Mercedes» markalı avtomaşınında 186 ədəd 100, 7 ədəd 50, 8 ədəd 20 və 1 ədəd 5 manatlıq saxta əskinaslar aşkar edilərək götürülüb.

Cəfərovun evinə baxış zamanı 1 ədəd rəngli printer, 1 ədəd noutbuk, 1 ədəd kağızkəsən alət, müxtəlif nominallarda olan natamam əskinaslar və rənglər aşkar edilərək götürülüb.