Muəllif: Redaksiya
Azərbaycan və Türkiyə Silahlı Qüvvələri Bakı və Naxçıvanda birgə təlimlər keçirir
Azərbaycan və Türkiyə Silahlı Qüvvələrinin Bakı və Naxçıvanda birgə taktiki təlimləri başlayıb.
Bu gün start götürən təlimlər iyulun 28-dək davam edəcək. Təlimlər Bakı və Naxçıvanda icra olunacaq. «Təlimin məqsədi Türkiyə və Azərbaycan Quru Qoşunları bölmələri arasında dostluq, əməkdaşlıq və birgə fəaliyyəti inkişaf etdirmək, qarşılıqlı məlumat və təcrübəni paylaşmaqdır», — deyə Baş Qərargahın məlumatında bildirilib.
Təlimin Bakıda icra ediləcək hissəsinə Türkiyədən bir piyada bölüyü, Naxçıvanda keçiriləcək hissəsinə isə bir motoatıcı taqım qatılacaq.
Bölüm: Xəbərlər
Oxunma sayı: 191

