DÇ-2014-ün seçmə mərhələsi çərçivəsində Azərbaycan-Lüksemburq oyununun biletləri satışa çıxarılıb. AFFA-dan bildirilir ki, oyun iyunun 7-də, saat 21:00-da, «Bakcell Arena»da keçiriləcək. Biletlərin qiymətləri sektorlara uyğun olaraq 4, 9, 14 və 50 AZN-dir.

Azərbaycan seçmə mərhələdə yer aldığı qrupda 6 oyundan sonra topladığı 3 xalla 5-ci yerdə qərarlaşıb. Yığmamız İsrail, Şimali İrlandiya və Lüksemburqla oyunlarda heç-heçə edib.