Avtomobildən 20 min dollar pul oğurlayan şəxs tutulub. DİN saytına istinadən, DİN Təhlükəsiz Şəhər İdarəsi, Nəsimi Rayon Polis İdarəsi və Sumqayıt Şəhər Polis İdarəsi əməkdaşlarının birgə əməliyyat tədbirləri nəticəsində iyulun 3-də Natiq Qarayevə məxsus “Ford” markalı avtomaşından 20000 dollar pulun Sumqayıt şəhər sakini Nicat Quliyev və Mingəçevir şəhər sakini, əvvəllər məhkum olunan Akşin Əsədov tərəfindən oğurlanması müəyyən edilib.

Quliyev Sumqayıt şəhərinin ərazisində idarə etdiyi “Mercedes” markalı avtomaşında tutulub, A. Əsədovun tutulması istiqamətində isə tədbirlər davam etdirilir. Quliyevin idarə etdiyi “Mercedes” markalı avtomaşına baxış zamanı başqa avtomobilə məxsus olan AZ 90 MV 775 dövlət qeydiyyat nişanları aşkar edilərək götürülüb.