Avropa İnsan Haqları Məhkəməsi ömürlük həbs cəzasına məhkum edilmiş Azərbaycan vətəndaşı Şakir Rzaxanovun işi üzrə qərarı açıqlayıb. Avropa Məhkəməsinin mətbuat xidmətinə istinadən, məhkəmə Avropa Konvensiyasının 3-cü maddəsinin pozulması qənaətinə gəlib və bununla əlaqədar iddiaçıya dəyən mənəvi ziyana görə, 7,500 avro, məhkəmə xərclərinə görə isə 2000 avro təzminat ödənməsi barədə qərar çıxarıb.

Qeyd edək ki, 1961-ci il doğumlu Şakir Rzaxanov hazırda Qobustan həbsxanasında ömürlük həbs cəzası çəkir. O qətl törətdiyinə görə 1997-ci ildə mühakimə olunub. O saxlanma şəraitindən, kameranın sıxlığından, havasızlıqdan, qidanın keyfiyyətsiz olmasından şikayətlənib. İddiaçı 2004-cü ilin yanvarında həbsxana mühafizəçiləri tərəfindən döyüldüyünü iddia edib və göründüyü kimi, haqlı çıxıb…