İyunun 3-dən iyulun 10-dək Türkiyədə yerli «Altay» tankının sınaqları uğurla tamamlanıb. Sonrakı təhlillərdə müəyyən olunub ki, tank qarşıya qoyulan tələblərə tam cavab verir və silsilə istehsala hazırdır. Sınaqdan sonra 250 ədəd «Altay» tankının istehsalı üçün sifariş veriləcəyi gözlənilir. Bir tankın qiymətinin 5,5 milyon dollar, layihənin hazırlanmasının dəyəri isə 500 milyon dollar təşkil edəcəyi planlaşdırılır.