«Azərbaycan Hava Yolları»nın (AZAL) «arzuolunmaz sərnişinlər» siyahısında 82 nəfər sərnişin adı var. Bu barədə «APA-Economics»ə AZAL-ın xidmət rəisi Məhərrəm Səfərli məlumat verib. Onun sözlərinə görə, «arzuolunmaz sərnişinlər» siyahısında həm Azərbaycan, həm də digər ölkələrin vətəndaşları yer alır: «Bu siyahıya adları salınan sərnişinlər təyyarənin göyərtəsində mobil telefonla danışmağa cəhd edib, siqaret çəkib və ya digər qaydalara riayət etməyiblər».

Səfərli onu da əlavə edib ki, adları «arzuolunmaz sərnişinlər» siyahısına düşən şəxslər 6 ay və ya 1 il müddətində AZAL aviareyslərindən istifadə edə bilməyəcəklər.