Ermənistan əhalisinin rəsmi sayı ətrafında proqnozlar səsləndirilib. Deyilib ki,
2050-ci ilə Ermənistanda yaşayan əhalinin sayı 2 milyon nəfərdən çox olmayacaq. Milli Elmlər Akademiyasının Fəlsəfə, Sosiologiya və Hüquq İnstitutunun direktoru, professor Gevorq Poqosyan
BMT proqnozlarına əsasən qeyd edib ki, 2015-ci ilə Ermənistanda indiki 3 milyon 200 min nəfər əvəzinə təqribən 3 milyon insan yaşayacaq.
Poqosyan bu mənfi tendensiyanı ölkədə doğum səviyyəsinin azalması və güclü miqrasiya axını ilə əlaqələndirib.
Onun sözlərinə görə, Ermənistanda hər il təqribən 35 min uşaq doğulur və bir o qədər də insan ölkəni tərk edir. Ekspert ölkə əhalisinin qocaldığını da əlavə edərək deyib ki, əhalinin 14,6 faizi yaşı 60-dan yuxarı olanlardır.

3,2 milyon rəsmi, yəni kağız üstündə olan rəqəmdir. Bəzi erməni ekspertlərinə görə, ölkədə real olaraq 1,7-2,2 milyon arasında əhali yaşayır. Demoqrafik rəqəmlər Ermənistanda məxfi informasiyalar kateqoruyasına aid edilmişdir. Vəziyyətin dramatik olduğunu anlayırlar. Bu yaxınlarda bizim XİN başçısınını müavini Araz Əzimov Ermənistanda 1,2 milyon əhali yaşadığını söyləmişdi.