Bir müddət öncə Flora Kərimova və Ramal Rəsul söz və musiqisi Tural Bakuviyə aid «Sənin kimi» mahnısını ifa etmişdilər. Bu dəfə isə yenə də Flora xanım Ramal Rəsul ilə rok janrında duet ifa edib. «Bağışla» adlı mahnı Flora Kərimova və Ramal Rəsulun ifasında səslənən ikinci duetdir. Mahnının söz və musiqi müəllifi Tural Bakuvi sözügedən mahnının böyük maraq yaradacağına əmin olduğunu düşünür:
«Mənə elə gəlir ki, alternativ etno rok janrında hazırladığımız «Bağışla» adlı mahnı Flora xanımın repertuarında ilk oldu. Flora xanım rok motivli aranjimana rahatca konsentrasiya olmaqla, təkrarolunmaz bir sənətkar olduğunu bir daha isbat etdi. Ramal və Flora xanım bu mahnıya klip də çəkdirmək niyyətindədirlər. Düşünürəm, bu mahnını dinləyənlər, həqiqətən də, fərqli bir duetin ərsəyə gəldiyinə şahid olacaqlar».