«DQR» Rusiya bazarına çıxa bildi: ərik və zoğal arağı ilə «debüt» etdilər. «Stepanakert Konyak Zavodu»nun istehsal etdiyi məhsulun üzərində Rusiya Federasiyasının əsas kateqoriya dövlət standartı olan QOST R (ГОСТ Р) abreviaturası da yazılıb. Bu iqtisadi quldurluğa əsmi münasibət bildirilməlidir, Azərbaycan hökuməti hələlik şərh vermir. Hər halda, separatçı Dağlıq Qarabağ regionundan hər hansı malın bizim iqtisadi tərəfdaşımız olan Rusiyanın bazarında görünməsinin nə dərəcədə qanuni olduğuna reaksiya olmalıdır. Separatçılarının istehsal etdiyi spirtli içki məhsullarının Rusiya bazarlarında satışa çıxarılması bizə meydan oxumaq anlamında olan bir aksiya kimi də qavranıla bilər.

APA-nın verdiyi məlumata görə, paytaxtın bir sıra mağazalarında, «Stepanakert Konyak Zavodu»nun istehsal etdiyi zoğal və ərik araqları «Qarabağ»(KARABAKH) brendi adı altında satılır.

Bundan başqa separatçılara məxsus «Stepanakert Konyak Zavodu»nun adıçəkilən məhsullarına Moskvanın Domodedovo aeroportunun «Duty Free»sində rast gəlmək mümkündür.

Spirtli içkilərin qablarının üstündə məhsulun «»Stepanakert Konyak Zavodu» Qapalı Səhmdar Cəmiyyəti (QSC) tərəfindən istehsal olunduğu, həmin zavodun Stepanakert şəhərində yerləşdiyi yazılıb.

Məhsulun ixracatçı firması qismində isə adıçəkilən QSC-nin İrəvan filialının olduğu qeyd edilib.

Məhsulun üzərində eyni zamanda Rusiya Federasiyasının əsas kateqoriya dövlət standartı olan QOST R (ГОСТ Р) abreviaturası da yazılıb.